skip to main |
skip to sidebar
نوفا الغلبانه يا عيني لسه عماله تدور وتبحث وتنقب عن شغل جديد... بعد الفضيحة الياباني الي عملتها في الشركه اياها...فاكرين طبعا... موزا فعلا اشتغل علي نفسه كتير وخد كورسات وظبط بأه استاذ ورئيس قسم ..اي شركة تتمناه... في يوم فتح الجرنال شاف اعلان بيقول عايزين منسق تصدير في شركة من الشركات الكبيرة...المهم راح وقدم والحمد لله اتقبل في الشغل ورجع قال لنوفا الخبر السعيد.... الحقيقة موزا كان فعلا مبسوط ونوفا اتمنتله كل التوفيق. بعد يومين نوفا قابلت موزا قالتله ايه يا ابني انت مش عندك شغل ولا ايه؟؟؟؟؟؟؟ رد موزا بابتسامة عريضة لا منا سبته..... هو انت لحقت دا يومين؟؟؟؟؟ انا رحت وقعدت مع الموراد البشرية ادوني ورق فيه تاريخ الشركة والاعمال الي قامت بيها قبل كده وعرفني علي المكان وعلي الجو العام للشركة وقالي إن الإدراة دي مكانتش موجودة عندنا قبل كده وانت هتبتدي معانا من البداية خالص... قلت وماله...رحت اول يوم شغل دخلت الحجرة بتاعتي لقيت المكتب مش نضيف وان الدنيا ماشية سبهلله فخدتها من قصيرها ومشيت، روحت وقلتلهم مش جاي تاني... نوفا كانت مستغربه جدا من كلامه.... نوفا: طيب انت كلمت مدير الشركة في الحاجات دي؟؟؟ موزا: لااااااااا متكلمتش مع حد نوفا: طب سألت مديرك المباشر عن طبيعة الشغل وايه الي مطلوب منك؟؟؟ موزا: برضه قال لاااااااااا نوفا: طيب انت طلبت حاجه وهم منفذوهاش؟؟؟ موزا: قال لااااااااا انا مطلبتش حاجه نوفا: طب انت حكمت عليهم من ايه؟؟؟؟ موزا: يا بنتي من كلام الناس.... الموظفين الي في المكتب كلهم اتفقوا علي نفس الكلام، هم هيكدبوا ليه يعني؟؟؟ نوفا: هي الشركة اسمها ايه؟؟ موزا: الشركة المتحدة للتصدير وراحت نوفا تاني يوم قابلت مدير الموارد البشرية وقالت انا عايزه اشتغل... مسئول الموراد البشرية قالها دا انتي جيتي نجده من السما احنا عينا واحد ومشي بعد يوم واحد وعلشان احنا مستعجلين طلبو منها تستلم في نفس اليوم، وقابلت المدير المباشر ليها وقالها: معلش مش فاضي اعرفك علي المكان لاننا بنستلم الاجهزة الي هتشتغل بيها كان فيه مشكله في الجمارك ولسه حالتها النهارده... هتتعبي معانا ووحنا بنركب الاجهزة هعلمك تستخدميها ازاي، دي تقنية جديدة مكلفانا كتير جدا وبيها نقدر نوصل لكل اسواقنا خارج مصر....مهي هتشتغل منسق تصدير.... مهي الفرصه كده بتيجي بس يا تري انت مستعد ليها؟؟؟؟ ولا لاااااااااااااا مش كنت تصبر شوية يا موزا..... مبروك عليكي يا نوفا.... بيضي وشنا بأه ولسه فيه خناقشات كتيييييييييييييير بين موزا ونوفا
0 comments:
Post a Comment