في قانون حياه غريب بيقول: الحياة علي ضفاف النيل جميل طيب، والمكان الي مفهوش نيل او مياه ايه الاخبار؟؟؟؟؟
عموما دا مجرد سؤال، ندخل في الموضوع...تيجي نتأمل الشجرة وجمال الشجرة وعظمة خلق الشجرة مش بس كده الشجرة النهارده هتعلمنا وهتفكرنا، العلم اثبت أن الانسان لو زرع شجرة في صحرا، الشجرة مش هتموت عارفين ليه؟ لأن الشجرة بتستدعي المياه لو من أخر العالم مش بس كده العلماء قالوا أن الشجرة بتميل جذورها ناحية المكان اللي فيه مياه وتستدعي المياه فتلبي فترتوي، هل يا تري الشجرة بتفكر؟؟؟؟؟؟
هل يا تري الشجرة عاقلة؟؟؟؟؟؟
هل يا تري الشجرة متعلقة بالحياة؟؟؟؟
هل يا تري الشجرة بتسعي للبقاء؟؟؟؟
هل يا تري الشجرة متوكله علي الله؟؟؟؟؟
ودلوقتي لو عندك فكره وعايز تنفذها هتعمل ايه؟؟؟؟
هتتعلم من الشجرة، هتفكر وتتعلق بالحياة وتاخد بالاسباب وتسعي وتتعلم وتعمل اللي عليك وتتوكل علي ربنا، ولا هتروح تنام؟؟؟
تسمع عن القنقنه؟؟؟؟
ااااااه دا الموضوع كبير لأن القنقنه دي خشبه بتعرف مكان المياه في الارض وكمان مكان العيال التايهه ومكان الاثار وتعرف حاجات عنك انت متعرفهاش، استخدموها في الحرب العالمية الاولي لمعرفة مكان السلاح مع انها خشبة وطبعا السر مش في الخشبه، السر في أيه؟؟؟؟؟؟؟
يااااااااه الموضوع كبير.... نتكلم فيه المره الجايه، نرجع لسؤالنا في قانون حياه غريب بيقول الحياه علي ضفاف النيل جميل طيب والمكان اللي مفهوش نيل او مياه ايه الاخبار؟؟؟؟؟
عموما نيلك هو افكارك واعتقاداتك، نيلك هو رضاءك عن نفسك والسعي للأفضل، نيلك في الثقه الكامله في اللي خلقك، نيلك هو شغلك واضافتك للدنيا، نيلك أسرة هتكونها وتربيها وتفتخر بيها، نيلك عمل خير يكتبلك وينجيك ، نيلك هو البداية، والبداية تعني الان، قوم اعمل حاجه ايجابية حالا
محمد زكريا
30/1/2010
0 comments:
Post a Comment