يا زمن

يا زمن العجايب ، يا ما فيك من غرايب

اشكو من لخبطة وشخبطة وزفلطة

يا قلبي دايما كنت مزئطط وبتتنطط

عمر ما همك مهما حدث من شقلبة أو حتي طربئة

يا قلب حر وطليق كقلب اصغر وليد

يا قلب مليان بالحب وكل الخير

اوعي تتأثر وعن الحب تتغير

اوعي تشكي او تبكي او حتي تحكي

عن لحظة فيها شفت العجب

او حسيت انك ضعت من شدة التعب

افتكر انك انت قلب غض مورور زي الشجر لما يزهر

اوعي تنسي انك مثل المطر دايما بيجيب الثمر

وانك زي القمر بيضوي في ليل السمر

رانيا الماريا