طبعا العنوان مش مفهوم ... مش كده؟؟؟؟ يعني هي جت علي العنوان مهي حاجات كتير بات مش مفهومه دلوقت ... غريب عجيب والله
بس دا الي أنا شفته الحقيقه.. ودي تجربتي الشخصية خلال الفتره الي فاتت الي هي مبقولش انها كبيره... وبرضه مقدرش اقول ان الي مريت بيه دا يعمم علي كل الناس... بس هو السؤال ليكم يا تري تختار ايه؟؟؟ تعد في البيت ومتشتغلش خالص لحد لما يجيلك الشغل الي انت عايزه؟؟؟ ولا تشتغل الشغل المتاح لحد ما توصل للي انت عايزه؟؟؟؟
لما يبقي الواحد عارف هو عايز ايه وشغال علي نفسه وعمال يثقل في مهاراته اكيد هيوصل للي هو عايزه، طب الي قاعد جنب ماما واخد البكالوريوس ولا مهارات شغال عليها ولا محدد هو عايز يشتغل ايه؟؟
علشان الكورسات غاليه... طب لما اشتغل ابقي اتعلم
ويجي يشكي همه ويقول انا خريج مش عارف ايه وبدور علي شغل بس مفيش
جيت له شغل في شركة كويسه بس مبيعات، مش بمعني انه هيلف علي البيوت يعني، لكن فيه خطة لتوزيع المنتج علي اماكن محدده وعربيه معاه ومرتب يوصل ل 2000 جنيه في الشهر وتأمينات اجتماعيه وتأمين صحي....يقول حضرته لا اسف اصل دي شغلانه بهدله... انا عايز اقعد علي مكتب
طب خليك قاعد لحد ما نجيب المكتب، بس من فضلك متجيش تقول اصلي مفيش شغل اصلي بدور ومش لاقي
بجد لسه مخترعناش الشغلانه الي تجيلك لحد البيت
الشباب كله عايز يشتغل ايه ؟؟؟؟ كل شغلانه ليها ايجابيات وسلبيات حتي ولو كنت صاحب شركة، بس من الواضح ان الناس مبقتش عايزه تتعب، الشباب عايز كل حاجه تجيله علي الجاهز من غير تعب ولا مجهود ... مش عارفه ليه؟؟؟؟
دا حتي لو متعبتش مش هتحس بحلاوة الراحة
بدون تعليق
رشا خليفة
0 comments:
Post a Comment